ಭಾರತೀಯ ಕ್ರಿಕೆಟ್ ಲೋಕದಲ್ಲಿ ಛಾಪು ಮೂಡಿಸಿರುವ ಆಟಗಾರರಲ್ಲಿ ಯಜುವೇಂದ್ರ ಚಹಾಲ್ (Yajuvendra Chahal) ವೃತ್ತಿ ಜೀವನದಲ್ಲಿ ಬ್ಯುಸಿಯಾಗಿದ್ದಾರೆ. ಬಿಡುವು ಸಿಕ್ಕಾಗಲೆಲ್ಲಾ ಪತ್ನಿ ಜೊತೆಗೆ ಸಮಯ ಕಳೆಯುವ ಕ್ರಿಕೆಟ್ ಆಟಗಾರ ಯಜುವೇಂದ್ರ ಚಹಾಲ್ ಇದೀಗ ಮತ್ತೆ ಸುದ್ದಿಯಾಗಿರುವುದು ಪತ್ನಿಯ ಜೊತೆಗೆ ಕನಸಿಕೊಳ್ಳುವ ಮೂಲಕವಾಗಿ.
ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ಆಟಗಾರ ಯಜುವೇಂದ್ರ ಚಹಾಲ್ ಅವರು ಆಗಾಗ ಫೋಟೋ ಹಾಗೂ ವಿಡಿಯೋಗಳನ್ನು ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ. ಆದರೆ ಇದೀಗ ಯಜುವೇಂದ್ರ ಚಹಾಲ್ ಅವರು ಶೇರ್ ಮಾಡಿಕೊಂಡಿರುವ ಫೋಟೋದಲ್ಲಿ ಪತ್ನಿ ಜೊತೆಗೆ ರೆಸ್ಟೋರೆಂಟ್ (Restorent) ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕ್ಯೂಟ್ ಕ್ಯೂಟ್ ಕ್ಯಾಮೆರಾಗೆ ಪೋಸ್ ನೀಡಿರುವ ಈ ಜೋಡಿಯ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.
ಈ ಫೋಟೋಗೆ ನೂರ ಅವರತ್ತನಾಲ್ಕು ಅಧಿಕ ಲೈಕ್ಸ್ ಗಳು ಬಂದಿವೆ. ಈ ಹಿಂದೆಯಷ್ಟೇ ಖಾಸಗಿ ಸಂದರ್ಶನವೊಂದರಲ್ಲಿ ತಮ್ಮ ಲವ್ ಸ್ಟೋರಿ ಬಗ್ಗೆ ರಿವೀಲ್ ಮಾಡಿದ್ದರು. ಹೌದು, ಯೂಟ್ಯೂಬ್ ಚಾನಲ್‌ ( Youtube Chanel) ವೊಂದರ ಸಂದರ್ಶನದಲ್ಲಿ ತಮಗೆ ಧನಶ್ರೀ (Dhanashree) ಪರಿಚಯವಾದದ್ದುಹೇಗೆ ಹಾಗೂ ತಮ್ಮ ಪ್ರೀತಿ ಚಿಗುರಿದ ಬಗ್ಗೆ ಹೇಳಿಕೊಂಡಿದ್ದರು.
ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ಯಜುವೇಂದ್ರ ಚಹಾಲ್, ‘ಲಾಕ್‌ಡೌನ್‌ ಸಮಯದಲ್ಲಿ ಸುಮಾರು ಮೂರು ನಾಲ್ಕು ತಿಂಗಳುಗಳ ಕಾಲ ನಾನು ನಮ್ಮ ಊರಾದ ಗುರುಗಾಮ್‌ನಲ್ಲಿದ್ದೆ. ಅದೇ ಮೊದಲ ಬಾರಿಗೆ ನಾನು ಅಷ್ಟು ಸಮಯ ಕುಟುಂಬದವರೊಂದಿಗೆ ಕಾಲ ಕಳೆದಿದ್ದೆ. ಈ ವೇಳೆ ನನಗೆ ನೃತ್ಯ ಕಲಿಯುವ ಆಸೆಯಾಗಿತ್ತು. ಧನಶ್ರೀ ಎಂಬುವವರು ಆನ್‌ಲೈನ್‌ ತರಗತಿಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ ಎಂಬ ಮಾಹಿತಿ ಸಿಕ್ಕಿತು. ನಾನು ಆನ್‌ಲೈನ್‌ ತರಗತಿ ಸೇರಿಕೊಂಡೆ’ ಎಂದಿದ್ದರು.
“ಸಣ್ಣ ಸಣ್ಣ ವಿಷಯಗಳಲ್ಲೂ ಖುಷಿಯನ್ನು ಕಾಣುವ ಧನಶ್ರೀ ಅವರ ಗುಣ ನನಗೆ ತುಂಬಾ ಹಿಡಿಸಿತ್ತು. ಧನಶ್ರೀ ಅವರನ್ನು ಮದುವೆಯಾಗುವ ಬಗ್ಗೆ ನಾನು ನನ್ನ ಕುಟುಂಬದವರಿಗೆ ಹೇಳಿದ್ದೆ. ಕೊನೆಗೆ ಧನಶ್ರೀ ಅವರಲ್ಲೂ ಕೇಳಿದ್ದೆ. ನನಗೆ ಈಗ 30 ವರ್ಷ. ನನಗೆ ಡೇಟಿಂಗ್‌ಯೆಲ್ಲಾ ಹಿಡಿಸುವುದಿಲ್ಲ. ನಾನು ನಿಮ್ಮನ್ನು ಮದುವೆಯಾಗಲು ಇಷ್ಟಪಡುತ್ತೇನೆ ಎಂದು ನೇರವಾಗಿ ಹೇಳಿದ್ದೆ. ಅದಕ್ಕೆ ಅವರು ಒಪ್ಪಿರಲಿಲ್ಲ. ನಿಮ್ಮನ್ನು ನೇರವಾಗಿ ಭೇಟಿ ಮಾಡಿಯೇ ಮುಂದಿನ ನಿರ್ಧಾರ ತೆಗೆದುಕೊಳ್ಳುತ್ತೇನೆ ಎಂದಿದ್ದರು. ಕೊನೆಗೆ ಇಬ್ಬರು ಮುಂಬೈನಲ್ಲಿ ಭೇಟಿಯಾದೆವು. ಈಗ ವಿವಾಹವಾಗಿದ್ದೇವೆ’ ಎನ್ನುವುದನ್ನು ಹೇಳಿಕೊಂಡಿದ್ದರು.
