ಕನ್ನಡ ಕಿರುತೆರೆ ಲೋಕದಲ್ಲಿ ಅತೀ ಹೆಚ್ಚು ಟಿ ಆರ್ ಪಿ ಗಳಿಸಿ ಎಲ್ಲರ ಮನಸ್ಸು ಗೆದ್ದುಕೊಂಡ ಧಾರಾವಾಹಿಯೆಂದರೆ ಅದುವೇ ಪುಟ್ಟಕ್ಕನ ಮಕ್ಕಳು (Puttakkana Makkalu) ಧಾರಾವಾಹಿ. ಈ ಧಾರಾವಾಹಿಯಲ್ಲಿ ಸ್ನೇಹ ಪಾತ್ರವನ್ನು ನಿರ್ವಹಿಸುತ್ತಿರುವ ನಟಿ ಸಂಜನಾ ಬುರ್ಲಿ (Sanjana Burli) ಎಲ್ಲರಿಗೂ ಕೂಡ ಚಿರಪರಿಚಿತರಾಗಿದ್ದಾರೆ.
ಎಲ್ಲರಿಗೂ ಕೂಡ ತಿಳಿದಿರುವಂತೆ ಪುಟ್ಟಕ್ಕನ ಮಕ್ಕಳು (Puttakkana Makkalu) ಧಾರಾವಾಹಿ ಖ್ಯಾತಿಯ ನಟಿ ಸಂಜನಾ ಬುರ್ಲಿ (Sanjana Burli) ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಆಕ್ಟಿವ್ ಆಗಿದ್ದಾರೆ. ಅದಲ್ಲದೇ, ತಮ್ಮದೇ ಆದ ಯೂಟ್ಯೂಬ್ ಚಾನೆಲ್ ಹೊಂದಿದ್ದು ಆಗಾಗ ಫೋಟೋ ಹಾಗೂ ವಿಡಿಯೋಗಳನ್ನು ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ.
ಅದಲ್ಲದೇ ನಟಿ ಸಂಜನಾ ಬುರ್ಲಿಯವರಿಗೆ ನಟನೆಯ ಜೊತೆಗೆ ಟ್ರಿಪ್ ಕ್ರೇಜ್ ತುಂಬಾನೇ ಇದೆ. ಓದುತ್ತಿರುವ ಹುಡುಗಿಯಾದರೂ ಕೂಡ ಬಿಡುವು ಸಿಕ್ಕಾಗಲೆಲ್ಲಾ ಟ್ರಿಪ್ ಎಂದು ಹೋಗುತ್ತಿರುವುದು ಸರ್ವೇ ಸಾಮಾನ್ಯವಾಗಿದೆ. ನಟಿಯ ಒಂದಲ್ಲ ಒಂದು ಪೋಸ್ಟ್ ಗಳು ಸೋಶಿಯಲ್ ಮೀಡಿಯಾದಲ್ಲಿ ನೆಟ್ಟಿಗರ ಗಮನ ಸೆಳೆಯುತ್ತಿರುತ್ತದೆ.
ಇತ್ತೀಚೆಗಷ್ಟೇ ಮಾಲ್ಡೀವ್ಸ್ (maldives) ಪ್ರವಾಸಕ್ಕೆ ತೆರಳಿರುವ ನಟಿ ಸಂಜನಾ ಬುರ್ಲಿಯವರು ಐಸ್ ಲ್ಯಾಂಡ್ ನಲ್ಲಿ ವಿವಿಧ ಭಂಗಿ ಯಲ್ಲಿ ಕ್ಯಾಮೆರಾಗೆ ಪೋಸ್ ನೀಡಿರುವ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ನಟಿ ಸಂಜನಾ ಬುರ್ಲಿಯವರು ಈ ಫೋಟೋಗಳಲ್ಲಿ ಸ್ಟೈಲಿಶ್ ಲುಕ್ ನಲ್ಲಿ ಗಮನ ಸೆಳೆದಿದ್ದಾರೆ.
ನಟಿ ಸಂಜನಾ ಬುರ್ಲಿಯವರು ಧಾರಾವಾಹಿಯಲ್ಲಿ ನಟಿಸುವುದರ ಜೊತೆಗೆ ಇಂಜಿನಿಯರಿಂಗ್ (Engineering) ಓದುತ್ತಿದ್ದಾರೆ. ಬಿಡುವು ಮಾಡಿಕೊಂಡು ನಟನೆಯನ್ನು ಮಾಡುತ್ತಿದ್ದು ಇವರಿಗೆ ಅವಕಾಶಗಳು ಬರುತ್ತಲೇ ಇದೆ. ಈಗಾಗಲೇ ರಾಧಾ ಸರ್ಚಿಂಗ್ ರಮಣ ಮಿಸ್ಸಿಂಗ್ ( Ramana Searching Ramana Missing), ನಾನ್ ವೆಜ್ (Non Veg) ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದೂ, ಈ ಸಿನಿಮಾಗಳು ತೆರೆ ಕಾಣಬೇಕಾಗಿದೆ. ಸದ್ಯಕ್ಕೆ ನಟಿ ಸಂಜನಾ ಬುರ್ಲಿಯವರಿಗೆ ಅವಕಾಶಗಳು ಬರುತ್ತಿದ್ದು, ಹೀಗಾಗಿ ಓದು ಹಾಗೂ ನಟನೆ ಎರಡನ್ನು ಸರಿದೂಗಿಸಿಕೊಂಡು ಹೋಗುತ್ತಿದ್ದಾರೆ.
